Іздеу 
қаз
Елордада көшелерді тазартуға 700-ге жуық жол жұмысшысы жұмылдырды
63 
Бүгін Астанада жаңбыр мен қар аралас жауын-шашын жауды. Көшелерді тазарту үшін коммуналдық қызметтер 1000-нан астам арнайы техника мен 700-ге жуық жол жұмысшысы жұмылдырды, деп хабарлады Elorda.info.
Ең алдымен, ережелерге сәйкес, жолдарда кептеліс болмас үшін өте қарқынды қозғалыс аймақтары тазартылады. Сондай-ақ орташа қарқындылығы бар учаскелер – алаңдар, вокзал маңы аумақтары, тротуарлар, әлеуметтік нысандарға кіреберіс жолдар және т.б. қардан тазартылады.
Қыс мезгілі басталған уақыттан бері 800 мың текше метрге жуық қар шығарылды.
Қазгидрометтің мәліметінше, елордада жауын-шашынмен қар жауады, желдің екпіні 20 м/с-тан асады.
Автокөлік жүргізушілерінен жолда мұқият болуды, жылдамдық режимін сақтауды сұраймыз, - делінген қала әкімдігінің хабарламасында.
