Астанада құтқарушылар аса қауіпті учаскелерде 290 рейд жүргізді

Астана қаласының коммуникациялар қызметінде жұқа мұзда жазатайым оқиғалардың алдын алу туралы Төтенше жағдайлар департаменті Азаматтық қорғаныс басқармасының аға офицері Азамат Жұмекешов  брифинг өткізді, деп хабарлады Elorda.info. 

Мұз қату кезеңінде су айдындарында азаматтардың қауіпсіздігін қамтамасыз ету мақсатында департамент қызметкерлері аса қауіпті учаскелерде 290 рейд жүргізді. Тұрғындарға мұз үстінде қауіпсіздік ережелерін сақтау бойынша 8 мыңнан астам үгіт материалдары таратылды.

Полиция департаментімен бірлесіп, судағы қауіпсіздік ережелерін сақтау бойынша рейдтік іс-шаралар жүргізілуде. Елорда тұрғындары мен қонақтарының қауіпсіздігін қамтамасыз ету үшін департамент қызметкерлері әкімдікпен бірлесіп, «Абайлаңыз, жұқа мұз» және «Мұзға шығуға тыйым салынады» деген 100-ден астам тыйым салу және ескерту белгілерін орнатты. Бұл бағыттағы жеке жұмыс балалармен де жүргізіледі. Департамент қызметкерлері мектептерге барып, балаларға қажетті дағдыларды үйрете отырып, түрлі сабақтар өткізеді.

Астанада күзгі-қысқы кезеңде су айдынында адам өлімі тіркелген жоқ. Бір құтқару оқиғасы тіркелді, онда жасөспірім суға түсіп кеткен.  Оқиға 27 қарашада болды. 17 сағат 29-да 112 пультіне Амман көшесіндегі Ақбұлақ өзеніне адамның суға батып бара жатқаны туралы хабарлама келіп түсті. Батып бара жатқан жасөспірімді құтқарушылар келгенге дейін сол жерде өтіп бара жатқан ер адам құтқарды. Жасөспірім 2006 жылғы бала. Ер адам жасөспірімді судан жағаға шығарып, оны жедел жәрдем бригадасына берді, оған алғашқы медициналық көмек көрсетілді. Жасөспірім №2 қалалық балалар ауруханасы дәрігерлерінің бақылауында. Бақытымызға орай, жасөспірім құтқарылды, бірақ кейде бұндай  жағдай қайғылы жағдайға айналуы мүмкін, - дейді А. Жұмекешов. 

Бүгінгі күні мұздың қалыңдығы 2 см, бірақ кейбір жерлерде мұз жоқ, бұл мұзда балық аулау үшін қауіпті екенін білдіреді. 

Айта кету керек, мұздағы қауіпсіздіктің қарапайым ережелерін сақтау жазатайым оқиғалардан сақтай алады.