Астанада қазақ күресінен «ЖАС БАРЫС» республикалық турнирі өтіп жатыр

Елорда іргесіндегі «Аспан» спорт кешенінде Тәуелсіздік күніне орай қазақ күресінен балалар, жасөспірімдер мен жастар арасында «ЖАС БАРЫС» республикалық турнирі басталды, деп хабарлады Elorda.info.

Жарысқа еліміздің барлық өңірінен 1000-нан аса жас палуан қатысып жатыр.

2002-2004 жылы туған жастар 10 салмақ (55, -60, -66, -72, -78, -84, -90, -100, +100 келі, түйе балуан) дәрежесі бойынша, 2005-2006 жылы туған жасөспірімдер 9 салмақ (-46, 50, -55, -60, -65, -70, -76, -82, +82 келі) дәрежесі бойынша, 2007-2008 жылы туған жасөспірімдер 10 салмақ (-38, -42, -46, -50, -55, -60, -65, -70,-75, +75 келі) дәрежесі бойынша күресуде.

Айта кетейік «Жас Барыс» республикалық турнирінің финалында қалалық және облыстық деңгейде жеңімпаз атанған палуандар 16 желтоқсанға дейін сынға түседі.