Астана мектептерінде «Музейдегі оқу күні» мәдени-білім беру жобасы енгізілді
Жоба оқушыларға Қазақстан тарихын Ұлттық музейде де зерттеуге мүмкіндік береді. Жоба теориялық білімді бекітуге бағытталған, деп хабарлады Elorda.info.
«Музейдегі оқу күні» жобасына 5-9 сынып оқушылары қатысады. Жобаға кезең-кезеңімен Астананың барлық мектептері қосылады. Қазақстан тарихы бойынша сабақтар мұражайдың экспозициялық залдарында өтеді. Бір дәрістің ұзақтығы – 35-45 минут. Сабақтың тақырыбы мен мазмұны оқу бағдарламасына толық сәйкес келеді.
«Музейдегі оқу күні» мәдени-білім беру жобасы – Мәдениет және спорт министрлігінің қолдауымен Астана қаласы Білім басқармасының және Ұлттық музейдің «Балалар жылы» аясындағы бірлескен жоба.
Еліміздің басқа қалаларынан келген оқушылар үшін мұражай сабақтары Ұлттық музейдің сайтында онлайн-форматта қолжетімді.