2 маусымда елордада «ECOJER» Халықаралық конгресі өтеді

Іс-шараға әлемдік деңгейдегі тәжірибелі эксперттер, эко-активистер, мемлекеттік орган өкілдері, кәсіпорын және халықаралық ұйым өкілдері қатысады.

Диалог алаңында экологиялық реформалар, су ресурстарын басқару жүйесін модернизациялау, ұлттық экономиканы декарбонизациялау және тұрақты қаржылық инструменттер, Turk PA қатысушы-мемлекеттерінің тұрақты даму саясатындағы гендерлік мүмкіндіктер, жаңа нарықта энергияның және т.б. ресурстардың баламалы көздерін қалыптастыру сынды маңызды тақырыптар талқыланады.

Конгрестің мақсаты – экология, тұрақты даму, «жасыл» инвестициялар үлесін арттыру, экологиялық мәдениет пен қоғамның хабардарлығын арттыру мәселелері бойынша ұсыныстар мен ұсынымдар әзірлеу үшін барлық мүдделі тараптардың күш-жігерін біріктіру және тәжірибе алмасу.

Жобаның серіктестері – Экология, геология және табиғи ресурстар министрлігі, елорда әкімдігі, Қазақстандағы «БҰҰ-әйелдер» құрылымы, БҰҰДБ және Түркі тілдес елдер Парламенттік ассамблеясы (TURKPA).

Бұдан бөлек, Конгресс аясында гендерлік теңсіздікті қысқарту бойынша әлемдік экономикалық форум акселераторына қосылу рәсімі өтеді.