Алдағы күндері ауа температурасы 30 градусқа дейін көтеріледі
«Қазгидромет» Қазақстан бойынша 23-25 мамыр аралығына арналған ауа райы болжамын жариялады, деп хабарлады Elorda.info.
Синоптиктердің мәліметінше елде тұрақсыз ауа райы сақталады. Сондай-ақ республиканың басым бөлігінде жаңбыр жауып, найзағай ойнайды. Ал оңтүстік-шығыста бұршақ жауып, таулы аймақтарыда қатты жауын-шашын (жаңбырдың соңы қарға ауысады) болады деп күтіледі. Еліміздің басым бөлігінде жел күшейіп, солтүстік-батыс пен оңтүстік аймақтарды шаңды дауыл соғады.
Қазақстан бойынша күндіз ауа температурасының фоны батыс өңірлерде 29-34 градусқа, солтүстік-батыста 25-30 градусқа, солтүстікте 23-28 градусқа дейін күтіледі. Ал оңтүстікте 23-31 градус жылы, шығыс және оңтүстік-шығыста 15-25 градус жылы болады деп болжанды, – делінген хабарламада.