Алдағы күндері ауа райы қандай болады
"Қазгидромет" РМК 12-14 қаңтар күндеріне арналған ауа райы болжамын жариялады, деп хабарлады Elorda.info.
Суық арктикалық антициклон өз траекториясын республиканың шығыс, оңтүстік өңірлеріне бағыттайды, сол себептен жауын-шашынсыз аязды ауа райы күтіледі, тек республиканың солтүстік жартысында атмосфералық фронтальды бөлімдердің өтуімен қар, жаяу бұрқасын күтіледі.
Республиканың солтүстік-батысында, оңтүстік-шығысында тұман күтіледі.
Ауа температурасы еліміздің батысында түнде -15-30°C-тан -7-20 °C-қа дейін, солтүстік-батыста -20-28°C-тан -13-22 °C-қа дейін, республиканың солтүстігінде -20-35 °C-тан 13-26 °C-қа дейін, орталықта -30-41 °C-тан -17-25 °C-қа дейін, еліміздің шығысында -32-43 °C-тан -20-30 °C-қа дейін төмендейді. Оңтүстікте температураның негізгі фоны -22-31°C , оңтүстік-шығысында -20-33 °C-тан -23-36 °C-қа дейін төмендейді, - делінген синоптиктер болжамында.