Елде жалға берілетін пәтерлер бағасы арзандай бастады

Қазастанда жалға берілетін пәтерлер бағасы біртіндеп арзандай бастады, деп хабарлады Elorda.info.

Azattyq Ruhy мәліметінше, пәтерді жалға беру бағасы қазан айының алғашқы екі аптасында айрықша өскен. Қазіргі кезде жалға берілетін пәтерлер:

- Петропавлда: -41%;

- Ақтөбеде: -36%;

- Павлодар мен Оралда -32% арзандаған.

Астанада пәтер жалдау ақысы 22 пайызға, Алматыда 11 пайызға төмендеді.

Оқи отырыңыз: Жалға берілетін тұрғын үйді сатып алудың жаңа шарттары ұсынылады

Елімізде пәтер жалдау құны төмендеп жатыр

Ал бір апта ішінде, яғни 27 қазан мен 3 қараша аралығындағы өзгерістерге келетін болсақ, барлық қалада баға арзандай бастаған. Алматыда 3,6%-ға, Астанада 4,6%-ға төмендеу байқалды. Ақтөбе қаласында (-8,6%) баға айрықша арзандаған. Орта есеппен пәтер жалдау ақысы 3,8%-ға арзандады, - дейді сарапшылар.

Еске салайық, Қазақстанда қыркүйекте жайлы тұрғын үйді жалға беру бойынша бағасы жылдық мәнде 47,2%-ға өскен еді. Қыркүйек айында тұрғын үйдің бір шаршы метрін жалға алудың орташа бағасы 4 612 теңгені құраса, бір ай бұрын жалға алудың шаршы метрі 4 029 теңгені құраған.