Жаңбыр, қар жауады: 19 қазанға арналған ауа райы болжамы

Синоптиктер 19 қазанға арналған ауа райы болжамын ұсынды, деп хабарлады Elorda.info.

Елдің басым бөлігінде жаңбыр, қар жауады деп күтілуде. 

Жамбыл облысының оңтүстігі мен таулы аймақтарында, күндіз Түркістан облысының таулы аймақтарында жаңбыр, қар жауады, - делінген «Қазгидромет» РМК хабарламасында.

Ұлытау, Қызылорда, Маңғыстау облыстарында жауын-шашынсыз ауа райы күтіледі.

Республиканың басым бөлігінде тұман түсіп, жел күшейеді.

Астанада күн бұлтты, күндіз жаңбыр жауады. Оңтүстік-батыстан жел соғады, түнде 3-8, таңертең және күндіз 9-14, екпіні 15-20 м/с. Ауа температурасы түнде 0...+2°С, күндіз +8...+10°С.

Алматыда көшпелі бұлт шығады, жаңбыр жауады. Түнде және таңертең тұман. Солтүстік-шығыстан 3-8 м/с жел соғады. Ауа температурасы түнде +5...+7°С, күндіз +11...+13°С.

Шымкентте көшпелі бұлт шығады, өткінші жаңбыр жауады. Солтүстік-батыстан соғатын жел батыстан 8-13 м/с. Ауа температурасы түнде +3...+5°С, күндіз +12...+14°С.