Бүгін ауа райы қандай болады
Республиканың кей жерлерінде тұман түсіп, көктайғақ болады. Жел күшейіп, бұрқасын күтіледі.
«Қазгидромет» РМК мәліметінше, Батыс Қазақстан облысында күндіз синоптиктердің болжауынша, жел жылдамдығы 15-20 м/с-ке дейін күшейеді, облыстың солтүстігінде, оңтүстік-шығысында көктайғақ болып, қар жауады, облыстың батысында, солтүстігінде тұман түседі.
Батыста, оңтүстікте, Атырау облысының орталығында тұман, көктайғақ, күтіледі, күндіз батыста, облыс орталығында жел жылдамдығы 15-20 м/с-ке дейін күшейеді.
Маңғыстау облысында көктайғақ болып, қар жауады. Батыста, күндіз облыс орталығында жел жылдамдығы 15-22 м/с-ке күшейеді.
Түркістан облысының оңтүстігінде, батысында, таулы, тау бөктеріндегі аймақтарында тұман түседі.
Солтүстік Қазақстан облысының оңтүстік-батысында тұман түсіп, күндіз оңтүстік-батыста, облыстың батысында жел жылдамдығы 15-20 м/с-ке күшейіп, бұрқасын соғады.
Шығыс Қазақстан облысының батысында аздаған бұрқасын болады, күндіз батыста, облыс орталығында жел жылдамдығы 15-20 м/с-ке дейін күшейеді.
Таңертең және күндіз солтүстікте, Қызылорда облысының орталығында көктайғақ, тұман болады.
Қарағанды облысының солтүстігінде, орталығында қарлы боран соғып, түнде облыстың батысында тұман түседі.
Жамбыл облысының солтүстік-шығысында, таулы аймақтарында көктайғақ, тұман, облыстың оңтүстік-батысында және таулы аймақтарда жел жылдамдығы 15-20 м/с-ке дейін күшейеді.
Ақмола облысының оңтүстік жартысында күндіз Ақтөбе облысының оңтүстігінде аздаған бұрқасын соғады.
Қостанай облысының шығысында түнде және таңертең Павлодар облысының солтүстігінде тұман түседі.