Бүгін елордада қандай іс-шаралар өтеді

11.00-де ҚР Ұлттық академиялық кітапханасында «Үздік 30 ауыл» анықтамалық альбомының тұсаукесері өтеді. Шараға «Nur Otan» партиясының хатшысы Арман Қырықбаев, мемлекет қайраткері, ғалым, филология ғылымдарының докторы, профессор Мырзатай Жолдасбеков, ҚР Парламенті Сенатының депутаты Нұртөре Жүсіп, Елбасы кеңсесінің, ҚР Ақпарат және қоғамдық даму министрлігінен, ҚР Мәдениет және спорт министрлігінен, Нұр-Сұлтан қаласы әкімдігінен өкілдер қатысады.

11.00-де Hampton by Hilton қонақ үйінде Қазақстан ЖОО өкілдерінің қатысуымен Sustainability Living Lab (SLL) бағдарламасының бірінші конференциясы өтеді. Аталған бағдарламаны Назарбаев университетінің Тұрақты даму кеңсесі Шеврон компаниясының қолдауымен «National Conservation Initiative» корпоративтік қорымен бірге жүзеге асырады.