Депутат: жастармен кездесу мотивация мен энергия береді
Бүгін елордада Президент Жолдауы студенттер арасында талқыланды, деп хабарлады Elorda.info.
Астана халықаралық университетінде өткен кездесуге Астана қаласы мәслихатының депутаты Ләззат Разбекова қатысты.
Бейресми форматта өткен жиында білім саласындағы реформалар жайында сөз етілді.
Президент жастарға қатысты нақты өзінің бағыт-бағдарын айтты. Солардың бірі – бизнеспен айналысамын деген жастарға 2,5 пайызбен несие беру. Сондай-ақ Жолдауда жастарды әсіресе ауылдағы жастарды қолдауға арналған бағыттар бар. Осы мүмкіндікті бүгінгі студенттер дұрыс пайдалана білуі керек, - деді мәслихат депутаты
Сондай-ақ Ләззат Разбекова Жолдауда жастарға қатысты айтылған бағыттар бойынша студенттердің пікірін білгісі келетінін жеткізді.
Осының төңірегінде мен жастардың пікірін естігім келеді. Осы бойынша қолдан келгенше жәрдемдесіп, ақыл-кеңес беріп, Жолдаудың тек сөз жүзінде емес, іс жүзінде жүзеге асыруға көмектесу. Бұл біздің қолымыздан келеді деп ойлаймын. Бір ерекше атап өтерлігі, маған жастармен кездесу мотивация мен энергия береді, - деді Л.Разбекова.