Іздеу 
қаз
Биыл колледждерге 50 мың қосымша мемлекеттік білім беру тапсырысы бөлінеді
43 
Оқу-ағарту министрлігінің Техникалық және кәсіптік білім департаментінің хабарлауынша, жаңа оқу жылынан бастап сұранысқа ие мамандықтарға қатысты тегін техникалық және кәсіптік білім беру бойынша мемлекеттік тапсырысты республика бюджетінен 50 мың орынға көбейту жоспарланған. Осылай, мемлекеттік тапсырыс бойынша білім алушылар саны 130 мың адамға жетеді, деп хабарлады Elorda.info.
Мемлекет басшысының тапсырмасы аясында биыл техникалық мамандықтарға мемлекеттік тапсырыс 50%-ға, 2025 жылға дейін 70%-ға ұлғайтылды. Бүгінгі таңда 52 мыңнан астам студент электротехника және энергетика, электроника және автоматтандыру, механика және металл өңдеу, автомобиль көлігіне техникалық қызмет көрсету, жөндеу және пайдалану секілді бағыттарды таңдады, - деді департамент директоры Ернат Жүнісов.
Естеріңізге сала кетейік, былтырдан бастап жұмыспен қамтитын кәсіпорындардың сұранысы бойынша кадрларды мақсатты даярлау енгізілді. Мәселен, өткен жылы кәсіпорындардың өтінімдері бойынша 10 мың студент қабылданды. Биыл тағы қосымша 10 мың студент қабылдау жоспарланған. Жалпы мемлекеттік тапсырыс бойынша оқитын студенттер шәкіртақы, тамақ және жол ақысымен қамтылған.
