Іздеу 
қаз
Қар жауып, боран соғады: 13 желтоқсанға арналған ауа райы болжамы
Елорда ақпарат 
10 
Синоптиктер 13 желтоқсанға арналған ауа райы болжамын ұсынды, деп хабарлады Elorda.info.
«Қазгидромет» РМК мәліметінше, ел аумағының басым бөлігі антициклонның ықпалында болады, соған байланысты күн райы жауын-шашынсыз болмақ. Тек республиканың солтүстігінде, шығысында қар жауып, боран соғады.
Республиканың батысында, солтүстігінде, шығысында, оңтүстігінде, оңтүстік-шығысында жел күшейеді, оңтүстік, оңтүстік-шығыста тұман түседі.
Астанада көшпелі бұлт шығады, жауын-шашынсыз. Батыстан, солтүстік-батыстан екпіні 9-14 м/с болатын жел соғады. Ауа температурасы түнде -13...-15°С, күндіз -8...-10°С.
Алматыда көшпелі бұлт шығады, жауын-шашынсыз. Желдің күші 0-5 м/с. Ауа температурасы түнде -10...-12°С, күндіз -1...-3°С.
Шымкентте көшпелі бұлт шығады, жауын-шашынсыз. Түнде және таңертең тұман. Шығыстан соғатын желдің күші 2-7 м/с болады. Ауа температурасы түнде -7...-9°С, күндіз +1...+3°С.
