«Ядролық апат кезінде элита жасырынатын ұшақ жасалды» (ВИДЕО)
Кейбір пайдаланушылардың пікірінше, бұл ұшақ дүниежүзілік соғыс немесе ядролық апат кезінде аспанда жасырыну үшін элита өкілдеріне арнайы жасалған. Бұл ақпаратты теріске шығарды.
Алдымен, аталған қонақ үй-ұшағының әлі жасалмағанын және оны әзірлеу жұмыстары қолға алынбағанын атап өткен жөн. Әуе кемесінің Желіде тараған видеосы – нақты түсірілім емес, бұл компьютерлік визуализация. Қонақ үй-ұшағын жасау идеясының авторы –Томи Холмстен, ал оның идеясының негізінде видео жасаған бейнепродюссер Хашем Аль-Галли.
Қонақ үй-ұшағының тұжырымдамасында оның қазіргі круиз кемелер сияқты демалу мен көңіл көтеруге арналатындығы көрсетілген. Кемеде мейрамханалар мен ойын-сауық аймақтарынан бастап, заманауи медициналық пункт пен үйлену залына дейін бар, онда сәнді және жайлы демалуға қажеттінің бәрі бар.
Бортқа жолаушыларды, персоналды және азық-түлікті жай ұшақтар жеткізетін болады.
Ұшақтың ұзақ уақытқа жететін азық-түлік қорына арналған бункерлермен немесе қоймалармен жабдықталғандығы туралы жобада жазылмаған.
Мұндай ұшақ ядролық апаттан немесе соғыстан жасырыну үшін қажет болады деп болжауға негіз жоқ.