Еліміздегі ең қымбат коттедждердің рейтингі жасалды

Нұр-Сұлтанда зәулім үйлер Алматыға қарағанда әлдеқайда арзан. Ең қымбат үй елордада 2,5 млрд теңге, ал орта есеппен 1,8 млрд теңгеден аспайды.

Қазақстан өңірлерінде сирек жағдайларды қоспағанда, ең қымбат және элиталық коттедждер 400 млн теңге төңірегінде, ауданы бойынша - ең үлкені 500 ш.м. Атырау, Қызылорда мен Таразда коттедждер құны сәулетіне қарай бағаланса, Орал, Қарағанды мен Ақтауда – ең алдымен үйдің орналасқан жері ескеріледі.  «Курсив» Krisha.kz. мәліметтері негізінде елдегі ең таңдаулы бес зәулім үйдің рейтингін түзді.

Қарағанды – 178 млн теңге

Қарағандыда ең қымбат үй 178 млн теңге тұрады және ауданы 1000 ш.м – 25 сотық жерде 23 бөлмелі үй 2011 жылы салынған. Ол қымбат үйлер бар блокта орналасқан, сыртынан үлкен көрінеді. Үйдің іші ирланд стилінде жасақталған. Табиғи ағаштан жасалған жиһаз, ауыр маталар көп және аса жарық емес.

Ақтау – 1 млрд теңге

Ақтауда жалпы ауданы 1250 ш.м. 8 бөлмелі екі қабатты үй биік соғылған дуалмен қоршалған қорғалатын аумақта орналасқан және Каспий теңізіне шығу жолы бар. Бағасы - 1 млрд теңге.

Үйдің сыртқы әрлеуі табиғи материалдардан классикалық стильде жасалған, үйдің аумағы ландшафтық дизайнмен жақсартылған. Көптеген бөлмелер скандинав стилінде жасалған.

Коттеджде кең ванна бөлмесі, үш үлкен жатын бөлме, екі қонақ бөлмесі, асхана, кір жуатын бөлме, гардероб және қойма бар.

Шымкент – 1 млрд теңге

Елдің үшінші мегаполисінде сәнді үйлер көп, бірақ олардың орташа бағасы – 600-700 млн теңге, ең қымбат үй 1 млрд теңге тұрады. Көлемі 2,5 мың шаршы метр кірпіш коттедж 60 сотық учаскеде орналасқан және 2020 жылы салынған.

Жарнаманың сипаттамасына сүйенсек, үйде бассейн, сауна, бар, камин, қойма, зал, үш жатын бөлме және қонақ бөлмесі бар.

Нұр-Сұлтан –  2,5 млрд теңге

Негізі ел астанасында үйлер 1 млрд теңгеден қымбат емес, ең қымбат үй 2,5 млрд теңге тұрады және сол жағалауда, «Saranda» қалашығында орналасқан. Сатушылар атап өткендей, бұл жер экологиялық таза, ал әкімшілік орталыққа жақын.

Елордалық сарайдың ауданы 1400 шаршы метр және 10 бөлме бар. Сарайдың ауласы көгалдандырылған: қызғылт гүлзарлардан басқа, көптеген ағаштар, нағыз қылқан жапырақты орман бар.

Үйдің ішкі безендірілуі аз көрсетілген.

Алматы – 3,2 млрд теңге

Жалпы ауданы 2 мың шаршы метр 10 бөлмелі үй Алматы қаласының Бостандық ауданындағы 70 сотық жер учаскесінде, тауда орналасқан. Сыртта сарай екі мұнарасы, үлкен ашық балконы және бүйір қанаты бар ортағасырлық қамалға ұқсайды.

Үйде оюланған үлкен баспалдақ бар. Жиһаздың барлығы дерлік жалтыратылған, шамдары бар үлкен люстралар және парсы кілемдері әр бөлмені безендіреді.

Бұған дейін сарапшылар жалпы әлемде тұрғын үйді сату, сатып алу мәмілелерінің рекордтық өсуін бақылады деп хабарланған болатын. 2021 жылдың бірінші жартыжылдығында әлемде тұрғын үй сату 2019 жылдың ұқсас кезеңімен салыстырғанда ірі қалалардың 80%  күрт өсті. Тұрғын үйге жаһандық инвестициялар 136 миллиард долларды құрады, бұл өткен жылмен салыстырғанда 3\1 есе көп.