Сайлау: Байқаушының міндеті қандай

Президент жанындағы Мемлекеттік басқару академиясының Электоралды оқыту орталығы басшысының орынбасары Думан Жампейісов «Қазақстан заңгерлер одағы» республикалық бірлестігінде өткен брифинге байқаушылардың жауапкершілігі туралы айтты, деп хабарлады Elorda.info.

Байқаушы процесті бақыламайды. Одан кейін ол қадағалаушы, тексеруші емес. Сайлау күні дау-жанжал тудырып, құжаттарды беріңдер деп сайлау комиссиясының жұмысына араласып, кедергі жасауға болмайды. Фото, аудио және бейнежазбаны жүзеге асыру және тарату кезінде Қазақстан Республикасының заңдарында көзделген талаптарды сақтауға міндетті. Жалпы, заңда байқаушының мәртебесі нақты анықталған. Яғни, ол сайлаудың қалай жүріп жатқанын бақылайды. Егер Орталық сайлау комиссиясының жұмысына араласатын болса, онда ол жауапкершілікке тартылуы мүмкін, - деді ол.