Елордада заңсыз еңбек қызметін жүзеге асырған 87 адам жауапқа тартылды

Қоғамдық тәртіпті сақтау, көшелерде және басқа да қоғамдық орындарда қылмыстың алдын алу және жолын кесу мақсатында Астаналық сақшылар 10 мамырдан бастап «Құқықтық тәртіп» жедел-профилактикалық іс-шарасын өткізіп жатыр, деп хабарлады Elorda.info Polisia.kz-ке сілтеме жасап.

Операция барысында көші-қон қызметінің қызметкерлері шетелдіктердің тұрғылықты жерлерін, құрылыс нысандарын, шетелдіктерді заңсыз жұмысқа орналастыратын ұйымдар мен жұмыс берушілерді тексереді. ЖПІШ кезеңінде шекаралас мемлекеттердің шетелдік азаматтарының көші-қон заңнамасын бұзудың 308 фактісі анықталды. Оның ішінде шетелдіктердің елде болу мерзімін бұзуының 216 фактісі, заңсыз еңбек қызметі үшін 87 адам жауапкершілікке тартылды. Шетелдік жұмыс күшін заңсыз пайдаланғаны үшін 20 жұмыс берушіге айыппұл салынды.

Байқоңыр ауданы ПБ көші-қон қызметінің қызметкерлері осы жылдың сәуір айында сот шешімімен елден шығарылған, бірақ кетуден жалтарған Ауғанстанның 32 жастағы екі азаматын анықтады. Жедел-іздестіру шаралары барысында шетелдіктер табылып, қабылдау бөліміне орналастырылды.

Қабылдаушы тарап әуе билеттерін сатып алды және үш күн ішінде шетелдіктер Кабул қаласына жөнелтіледі. Ауғанстан азаматтары заңсыз жұмыс істеген ЖШС директоры ҚР әкімшілік құқық бұзушылық туралы кодекстің 518-бабы бойынша әкімшілік жауапкершілікке тартылды.