Синоптиктер алдағы күндері күн күрт суытатынын ескертті

«Қазгидромет» РМК синоптиктері алдағы күндері бірқатар өңірлерде жаңбыр және бұршақ жауып, үсік жүретінін ескертті, деп хабарлады Elorda.info.

Ұлытау облысының батысында, солтүстігінде, орталығында найзағай ойнап, дауыл соғады.  Оңтүстіктен, оңтүстік-шығыстан түнде облыстың батысында, күндіз облыстың батысында, солтүстігінде, оңтүстігінде жел соғады, екпіні 15-20м/с. Облыстың орталығында жоғары өрт қауіпі сақталады.

Қарағанды облысының солтүстігінде және шығысында қатты жаңбыр күтіледі. Түнде найзағай, бұршақ, дауыл күтіледі.

Абай облысының батысында, солтүстік-батысында найзағай күтіледі. Оңтүстік-шығыстан соғатын жел оңтүстік-батысқа ауысады, күндіз обылысының батысында, солтүстік-батысында 15-20 м/с. Абай облысының оңтүстігінде жоғары өрт қауіпі сақталады.

Шығыс Қазақстан облысының оңтүстік-шығысында жоғары өрт қауіпі сақталады.

Солтүстік Қазақстан облысының солтүстігінде, шығысында қатты жаңбыр, найзағай, бұршақ жауып, дауыл соғады. Түнде облыстың батысында 2 градус үсік жүреді.  

Қызылорда облысында да найзағай ойнайды, 15-20 м/с жылдамдықпен жел соғады. Қазалы ауданында төтенше өрт қауіпі сақталады.

Ақмола облысында қатты жаңбыр жауады. Түнде найзағай, бұршақ, дауыл соғады, желдің екпіні екпіні 25 м/с жетеді.

Ақтөбе облысының солтүстігінде 2 градус үсік жүреді.

Атырау облысының солтүстік-батысында жоғары өрт қауіпі сақталады.

Қостанай облысының оңтүстігінде, шығысында найзағай ойнайды, жел күшейеді. Түнде облыстың солтүстігінде 2 градус үсік күтіледі.

Батыс Қазақстан облысының батысында, солтүстік-батысында, оңтүстік-батысында жоғары өрт қауіпі күтіледі.

Павлодар облысында найзағай ойнап, бұршақ жауады, желдің екпіні 15-20 м/с құрайды.

Түркістан облысының солтүстігінде найзағай, шаңды дауыл күтіледі. Облыстың шөлді аудандарында төтенше өрт қауіпі сақталады.