Оқушылар арасындағы экофестивалге өтінімдер қабылданады

Мектеп оқушылары арасында экологиялық проблемаларды өнер арқылы көрсетуге арналған республикалық байқауға қатысуға өтінім қабылдау жүріп жатыр, деп хабарлады Elorda.info.

Байқауға еліміздің барлық өңірінен 8, 9 және 10 сынып оқушылары қатыса алады. Белсенді, креативті және экологиялық мәселелерге барынша қызығушылық танытқан жасөспірімдер 6 санат бойынша бақ сынайды:

Beınele – бейнелеу өнері (фото, кескіндеме);

Árle – перфоманс (мүсін және инсталляция);

Qara – видеомейкинг (фильмдер, роликтер);

Sezin – арт перфоманс (театр, көше перфоманстары, флешмобтар);

Sóıle – музыка және поэзия (әндер, өлеңдер);

Órnekte – сәндік-қолданбалы өнер (тоқыма, керамика бұйымдары).

Үздік жұмыстар 1 және 2 маусымда Астанада өтетін «Aiala» арт-экофестивалінде көрсетіледі.

Өтінімдер 17 мамырға дейін http://aiala-fest.kz сайты арқылы жолдауға болады.