Жеңіс Қасымбек арыққа батып қаза тапқан баланың ата-анасына көңіл айтты

Облыс әкімдігінің ресми сайтында әкім мұндай қайғылы жағдай қайталанбас үшін қолдан келгеннің бәрін жасау қажеттігін жеткізді. 

Жергілікті жерлердегі барлық әкімдіктер халық арасында профилактиканы күшейтуі тиіс. Мұндай қауіпті жерлерде ескерту белгілерін қою қажет. Қазір басты міндет – осындай қайғылы жағдайдың қайталанбауы үшін барлық жағдайды жасау, - дейді Жеңіс Қасымбек.

Оқи отырыңыз: Қарағандыда 9 жастағы бала каналға батып кетті

Оның сөзінше, қардың еруіне байланысты қазір облыс бойынша су тасқынына қарсы іс-шаралар жүріп жатыр. Сондықтан жауапты қызметтер кез келген штаттан тыс жағдайға дайын болуы керек.

Сонымен қатар облыс әкімі ата-аналарға балаларымен көшеде туындауы мүмкін қауіп-қатер жайлы ескертуді сұрады.

Жеңіс Қасымбек сондай-ақ білім басқармасына мектептерде қауіпсіздік ережелері туралы іс-шаралар өткізуді тапсырды.