2025 жылға қарай мемлекеттік қызметтер толығымен электрондық форматқа көшіріледі

Әлеуметтік-еңбек саласындағы мемлекеттік қызметтерді цифрландырудың басым бағыттарының бірі – оларды электронды, әсіресе проактивті форматта көрсету, онда мемлекет мемлекеттік деректер базасынан мәліметтер негізінде қызмет көрсету процесіне бастама жасайды. Бүгінгі күні әлеуметтік-еңбек саласында мемлекеттік қызметтердің 45 түрі бар, 42 қызмет бойынша (93%) электрондық форматта алу мүмкіндігі бар, оның ішінде 21 қызмет бойынша (43%) проактивті. Жалпы, Еңбек және халықты әлеуметтік қорғау министрлігінің алдында 2025 жылға қарай барлық мемлекеттік қызметтердің 100%-ын электрондық форматқа, оның ішінде кемінде 60%-ын проактивті форматқа көшіру міндеті тұр, – деді Ербол Оспанов.

Вице-министрдің айтуынша, өткен жылы жүргізілген реинжиниринг және мемлекеттік қызмет көрсету процесін оңтайландыру олардың қамтылуын едәуір арттыруға мүмкіндік берді. Мысалы, бала туумен байланысты қызметтердің жалпы санынан 2021 жылдың екінші жартыжылдығында проактивті қызметтердің үлесі 12%-дан 53%-ға дейін немесе 440 мың туылған бала кезінде жылына шамамен 240 мың қызмет өсті.

Біз 2025 жылға қарай проактивті форматта мемлекеттік қызметтер көрсету көлемін жылына 6 млн-ға дейін арттыруды жоспарлап отырмыз. Бұл дегеніміз, біздің азаматтарымыздың әлеуметтік-еңбек саласындағы мемлекеттік қызметтерді алу үшін ХҚКО-ларға, әкімдіктерге, банктерге және басқа да инстанцияларға барудың қажеттілігі болмайды, – деді вице-министр.