Іздеу 
қаз
Ұлттық санақ пазл сияқты: дұрыс болжам жасау үшін халық барынша толық қатысуы керек – статистика бюросы
Елорда ақпарат 
32 
«Ұлттық санақтан өту не үшін маңызды?» деген онлайн-брифинг көрерменінің сауалына:
«Ұлттық санақ пазл сияқты: дұрыс болжам жасау үшін халық барынша толық қатысуы керек. Мысалы, осы санақ нәтижелеріне қарап халықтың өсімі, тұрғын үйлер, мектептер, балабақшалар секілді әлеуметтік нысандардың салынуы жайлы болжам құрастырылады. Сондықтан бұл іс-шараға қатысуды азаматтық парызымыз деп қабылдауымыз керек», – деп жауап берді ҚР Ұлттық статистика бюросы Нұр-Сұлтан қаласы бойынша департаментінің басшысы Жорабек Дәуренов.
Сондай-ақ ол шетелдегі қазақстандық студенттердің санақтан өту мүмкіндігіне де тоқталды.
«Қазіргі таңда ұлттық санақтың ресми сайты – sanaq.gov.kz әлемнің кез келген елінде қолжетімді. Сыртта жүрген отандастарымыз осы сайтқа кіріп, санақтан онлайн өте алады. Кімнің өткен-өтпегенін қадағаламаймыз, әрине. Бірақ біз адамдарға санақтан өтудің маңызды екенін түсіндіреміз, жеткіземіз. Ал қанша адамның санақтан өткені жайлы мәлімет жаңағы ресми сайтты тұрады», – деді ведомство басшысы.
Нұр-Сұлтан қаласы әкімінің орынбасары Малика Бектұрованың айтуынша, елордада ұлттық санаққа қатысу жұмысы қарқынды жүруде. Бүгінге дейін қала тұрғындарының 80 пайыздан астамы санақтан өтті.
