Астаналықтар Халық қаһармандарын еске алды
![Астаналықтар Халық қаһармандарын еске алды](/img/articles/6f9028d3ad4b5d482c618622c4350e12.jpg)
Астананың Достық үйінде биыл 100 жылдық мерейтойлары аталып өтіп жатқан Халық қаһармандары Сағадат Нұрмағамбетов пен Рақымжан Қошқарбаевты еске алуға арналған іс-шара өтті, деп хабарлады Elorda.info.
Оны «Atamnyn amanaty» қоғамдық бірлестігі мен Қорғаныс министрлігі ұйымдастырды.
Қорғаныс министрлігі Тәрбие және идеологиялық жұмыс департаменті өкілдерінің, Қарулы күштер ардагерлерінің, Ұлттық қорғаныс университетінің, әскери кафедралардың, оқу орындарының алғашқы әскери даярлық пәні оқытушыларының, С.Нұрмағамбетов пен Р.Қошқарбаев туыстарының кездесуі дөңгелек үстел форматында ұйымдастырылды.
Отырыста Еуразия ұлттық университеті, Қазақ технология және бизнес университеті жанындағы колледждердің, Көлік және коммуникация жоғары колледжінің, М.Жұмабаев атындағы Халықаралық колледждің және Ғ.Мырзағұлова атындағы «Даналық» жоғары медициналық колледжінің студенттері баяндама жасады. Олар Кеңес Одағының Батырлары – Ысқақ Ыбыраев, Леонид Беда, Сүндетқали Есқалиев және Әнуар Әбутәліповтердің жауынгерлік жолы мен ерлігі жайлы айтып берді.
Биыл біз қазақ халқының көрнекті ұлдары – Кеңес Одағының Батыры, тәуелсіз Қазақстанның бірінші Қорғаныс министрі, Халық қаһарманы, армия генералы Сағадат Нұрмағамбетов және Халық қаһарманы Рақымжан Қошқарбаевтың жүз жылдығын атап өтудеміз. Уақыт бізден бейбітшілік пен бостандық жолында халық басынан өткерген сұрапыл соғыс жылдарының ауыртпалығынан, Тәуелсіздік алғаннан кейінгі алғашқы қиындықтардан алшақтатып барады. Аға буынның жасаған ұлы істері тарих еншісінде. Осы тынымсыз уақыт ағымында кешегі мен бүгінгіні байланыстырушы дәнекерді сақтай білу – парызымыз, – деді «Қарулы күштердің ардагерлері» РҚБ төрағасының орынбасары, отставкадағы генерал-майор Марат Нағұманов.
Кездесу барысында дөңгелек үстелдің өзге де қатысушылары баяндамаларын жеткізді.
Сағадат Нұрмағамбетовтің немересі – Лира Талғатқызы және Рақымжан Қошқарбаевтың немересі Дәурен Жанатұлы да аталары жайлы естеліктерімен бөлісті.
Іс-шара соңында дөңгелек үстел отырысында сөз сөйлеген колледж студенттеріне сертификаттар тапсыру рәсімі өтті. Сонымен қатар, Астана қаласының колледждері арасында «Батыр баба тарихы» зияткерлік ойынының үздік қатысушылары аталды. Бірінші орынды М.Жұмабаев атындағы Халықаралық колледждің білгірлері, екінші орынды Сервис және туризм колледжі, үшінші орынды Ғ.Мырзағұлова атындағы «Даналық» жоғары медициналық колледжінің «Алаш» командасы иеленді.
![](/img/articles/743ebf4667bb60e26bcb78e82b8d3d66.jpeg)
![](/img/articles/fb36b9ebaca00e7cb3a82a4ff2780d85.jpeg)
![](/img/articles/483e9b07cc3db9d85007b6f455aead83.jpg)
![](/img/articles/1de90da6cccb0cbab9181e422e59ecf8.jpg)
![Елордада жаңа учаскелік полиция пункті ашылды](/img/articles/743ebf4667bb60e26bcb78e82b8d3d66.jpeg)
![Сығанақ көшесінің учаскесі жөндеу жұмысына байланысты жабылды](/img/articles/fb36b9ebaca00e7cb3a82a4ff2780d85.jpeg)
![Елордада полиция ер адамды сан соқтырған алаяқты қолға түсірді](/img/articles/483e9b07cc3db9d85007b6f455aead83.jpg)
![Елорда колледждеріне құжат қабылдау мерзімі белгілі болды](/img/articles/1de90da6cccb0cbab9181e422e59ecf8.jpg)
![Астанада БАҚ арасындағы конкурсқа өтінімдерді қабылдау аяқталды](/img/articles/3e91c3cba945d7b48a64fcaccb7a30fe.jpeg)
![Ұлы дала даңғылының бір бөлігі уақытша жабылады](/img/articles/7380c5f7adf69b7968869df83da5e94a.jpg)
![«Rixos Khan Shatyr Residences» тұрғын үй кешеніндегі өрт: Шығын бюджет есебінен өтелмейді](/img/articles/132c60992f68a3440e33b9c505092fb0.jpeg)
![Елордада 10 автобустың қозғалыс бағыты өзгерді](/img/articles/f595fc6dc2d71ecd8a6f875c6b2dc8be.jpg)
![Астанада абаттандыру бойынша ауқымды жұмыстар жүргізіліп жатыр](/img/articles/bcb553e8ebabf7c870264c36ca47f6e4.jpeg)
![Елорда іргесіндегі Көктал қалай дамып жатыр?](/img/articles/uploads/Whats_App_Image_2023_10_09_at_18_05_18_kopiya_1e2396a307.jpeg)
![Астанада 1 маусым – Балаларды қорғау күні қандай іс-шаралар өтеді?](/img/articles/uploads/balalarr_305fdbed74.jpg)
![Астанада мектеп жанындағы жазғы лагерьлер жұмысын бастады](/img/articles/e6f9729929141c1f91e52a0e66f63d04.jpeg)
![Елорда мектептері жаңа оқу жылына дайын](/img/articles/uploads/Whats_App_Image_2023_08_29_at_12_17_26_7e03ee38ca.jpeg)
![Астанада 500-ден астам мәдениет қызметкері қошқар мүйіз оюын бейнеледі](/img/articles/uploads/Whats_App_Image_2024_03_18_at_12_18_54_ec361d6ad8.jpeg)
![Адал еңбек нәтижеге жеткізеді – полиция майоры](/img/articles/8bb68eeea52450bef148a63e3365bee4.jpg)
![Астанадағы мектепке Рақымжан Қошқарбаевтың есімі берілді](/img/articles/74110ea15444c213ba0b4d266d0720fa.jpg)
![Астанада жолақысы қашан өзгеретіні белгілі болды](/img/articles/67fdb0accfe7db8cb69915448336d432.jpg)
![«JASYL EL» еңбек жасақтарына қосылуға өтінім қабылдау басталады](/img/articles/uploads/627f2ec888e48374562518_47d31e1773.jpeg)