Іздеу 
қаз
Қазақстандық оқушылар халықаралық олимпиадада төрт медаль жеңіп алды
56 
Өзбекстан Республикасының Хиуа қаласында Әбу Райхан әл-Бируни атындағы химия пәнінен халықаралық олимпиада өтті. Оған әлемнің үш континентінің 16 елінен 130 жас ғалым қатысты, деп хабарлады Elorda.info Оқу-ағарту министрлігіне сілтеме жасап.
Қазақстан ұлттық командасының құрамына химия пәнінен халықаралық Менделеев олимпиадасының төрт жүлдегері енген болатын.
Төртеуі де әл-Бируни атындағы олимпиада жүлдегері атанды.
Олар:
Әділжан Молдағұлов - Маңғыстау облысының «Білім-инновация» лицей-интернатының 10 сынып оқушысы;
Диас Қоршыбек - Жамбыл облысының дарынды ер балаларға арналған «Білім-Инновация» лицей-интернатының 10 сынып оқушысы;
Әлихан Смет - Астана қаласының дарынды ер балаларға арналған «Білім-инновация» лицей-интернатының 11 сынып оқушысы;
Инсар Имаш — Алматы қаласындағы Haileybury Almaty мектебінің 11 сынып оқушысы.
Айта кетейік, Әбу Райхан әль-Бируни атындағы халықаралық олимпиада Өзбекстанда алғаш рет ұйымдастырылды. Олимпиада екі кезең бойынша өтті, қатысушылардың білімі мен әлеуеті жазбаша және практикалық зертханалық жұмыстармен бағаланды.
