Қазақстанда алты шетелдік жоғары оқу орнының филиалы ашылады
Елімізде алты шетелдік оқу орны филиалы ашылатыны туралы CEENQA Бас Ассамблеясының халықаралық форумында Ғылым және жоғары білім министрі Саясат Нұрбек айтты, деп хабарлады Elorda.info Nege.kz сайтына сілтеме жасап.
-Қазірдің өзінде елімізде онға жуық филиал жұмыс істейді. Рейтингтегі ең танымалы Ақтөбедегі ең көне Шотландия технологиялық университеті Heriot-Watt. 21-і күні Ақтаудағы неміс инженерлік институтының ашылуына бармақпыз. Өскемендегі Шығыс Қазақстан техникалық университетінің базасында Тяньцзинь университеті ашылды. Менделеев атындағы Ресей химия-технологиялық университетімен серіктестікте жаңа бағдарлама Таразда, одан бөлек, Алматыда Ташкент ирригация инженерлері институтының филиалы ашылды, - деді Саясат Нұрбек.
Сондай-ақ ол «Аризона университеті ашылды. Жақында Мемлекет басшысы Атыраудағы Мәскеу инженерлік-физикалық институты мен Британдық Де Монфорт университетінде болды. Бұл бізге не береді? Біз Қазақстанға ірі халықаралық агенттіктерді шақыра отырып, сапа стандарттарын жаңадан құруымыз керек», - деп қосты министр өз баяндамасында.