00:00
Астана -10oC
USD:
450.79
EUR:
482.21
RUB:
5.05
Іздеу

Темір жол тасымалы 50 жаңа вагонмен толықты

12.09.2023 | 05:00
90
Фото: дереккөз

«Жолаушылар тасымалы» АҚ паркі отандық жаңа жолаушылар вагондарымен толықты, деп хабарлады Elorda.info  Көлік комитетінің баспасөз қызметіне сілтеме жасап.

Су жаңа вагондарды Қазақстанның «ЗИКСТО» зауыты жасап шығарған. Вагондар заманауи талапқа сай жасалынған. Атап айтқанда, кондиционер, ауаны тазарту сүзгілері, датчиктер, тамбурлардағы бейнебақылау жүйесі, электр розеткаларымен қамтамасыз етілген. 

0f646d24646dec46edb5e70d1abefb9e_1280x720.jpg

Көлік комитетнің төрағасы Алтай Әлінің айтуынша, қазіргі уақытта жолаушылар вагондарының паркі шамамен 2 500 бірлікті құрайды.

Министрлік тарапынан жолаушылар тасымалына арналған темір жол паркін жаңарту бойынша жұмыстар тұрақты негізде жүргізіліп келеді. Осы ретте вагондарды отандық өндірушілерді қолдап, солардан алуымыз қуантарлық жағдай, әрине. «ЗИКСТО»-мен жасалған шартқа сәйкес 50 жаңа жолаушылар вагоны сатып алынды. Бұл шаралар тасымалдау процесін жүзеге асыру кезінде жолаушыларға барынша жағдай жасау мақсатында қолға алынып отыр, - деді А.Әлі.

Жаңа жылжымалы құрам плацкарт және купе вагондарынан тұрады, қызмет ету мерзімі 40 жылға дейін.

Келесі жылдың басында «ЗИКСТО» АҚ жолаушылар тасымалына арналған тағы 100 вагон жасап шығарады, - деді сөз кезегінде «Жолаушылар тасымалы» АҚ бас директоры Жәнібек Тайжанов

Соңғы 10 жылда темір жол көлігі паркі 50 пайызға жаңартылған. Осы уақыт аралығында заманауи халықаралық талаптарға сәйкес келетін 1 200-ден астам вагон сатып алынған.

Барлық жаңалықтар