Іздеу 
KZ
Қазақстан туризм бойынша Орталық Азия елдері арасында абсолютті көшбасшы атанды
200
Халықаралық конгресс және конвенция қауымдастығы MICE туризм бойынша әлемдегі елдер мен қалалардың жыл сайынғы рейтингін жариялады. Қазақстан өткен жылмен салыстырғанда көрсеткіштерін жақсартып, әлемдік рейтингте 80 орынға шықты, деп хабарлады Elorda.info.
Статистика кем дегенде 50 делегаттың қатысуымен тұрақты түрде өтетін және үш ел арасында кезектесіп өткізілетін халықаралық бірлестіктердің іс-шараларын есепке алады.
2024 жылдың қорытындысы бойынша еліміз халықаралық бірлестіктердің 13 іс-шарасын өткізді. Бұл шараларға 4 196 делегат қатысты, олардың әрқайсысының орташа есеп-шоты 1,438 АҚШ долларын құрады.
Жаһандық рейтингтің үздік бестігіне дәстүрлі түрде АҚШ (690 іс-шара), Италия (553 іс-шара), Испания (505 іс-шара), Франция (472 іс-шара) және Германия (463 іс-шара) кірді.
«Қазақстан Еуразия және Кавказ елдері арасында 2-орынға ие болып, Орталық Азия елдері арасында абсолютті көшбасшы атанды. Ал, Еуропа елдері сегментінде Қазақстан 36-орынға ие болды. ICCA рейтингі қалаларды да бағалайды. Осылайша, тізімге Алматы және Астана қалалары енді», - деді «Қазақ Туризм ҰК» АҚ.
MICE туризмі соңғы жылдары Қазақстандағы туризмнің басым түрі болып келеді. Жаһандық MICE туристік нарығы жыл сайынғы 7,5% өсіммен 725 миллиард АҚШ долларына бағаланады.
