00:00
Астана -10oC
USD:
464.72
EUR:
496.32
RUB:
5.4
Іздеу

Елімізде «Өрт-2024» республикалық командалық-штабтық оқу-жаттығуы басталды

15.05.2024 | 10:39
179
Елімізде «Өрт-2024» республикалық командалық-штабтық оқу-жаттығуы басталды
фото: www.gov.kz

15-16 мамыр аралығында барлық өңірлерде «Өрт-2024» республикалық командалық-штабтық оқу-жаттығуы өткізіледі, деп хабарлады Elorda.info.

Бұл іс-шара табиғи өрттер туындаған кездегі іс-қимылдарға басқару органдарының, азаматтық қорғаудың аумақтық жүйесінің күштері мен құралдарының дайындық деңгейін арттыру мақсатында ұйымдастырылады.

Оқу-жаттығуды үйлестіру жөніндегі республикалық штаб Төтенше жағдайлар вице-министрі генерал-майор Ерлан Нұрпейісовтың басшылығымен Абай облысының «Семей Орманы МОТР» РММ Бородулиха филиалының аумағында орналасқан.

«Оқу-жаттығу аясында барлық өңірде профилактикалық іс-шаралар кешені, сондай-ақ әрбір ведомство үшін жеке айқындалған тиісті тапсырмалар бойынша азаматтық қорғау қызметтерімен және құралымдарымен практикалық іс-қимылдар жүргізіледі. Республикалық штаб табиғи сипаттағы төтенше жағдайларға жедел ден қою үшін басқа облыстардан күштер мен құралдарды тарту жөніндегі алгоритмді пысықтайды», - деді ТЖМ баспасөз қызметі.

Барлық жаңалықтар