Ауа райына байланысты Астанаға қосымша қалааралық пойыздар қатынайды

Алдағы демалыс күндері күтілетін қолайсыз ауа райына байланысты «Жолаушылар тасымалы» АҚ Бурабай курорты бағыты бойынша азаматтарды тасымалдау үшін қосымша электр пойызын енгізу туралы шешім қабылдады.

Бурабай курорты станциясына дейін №7553/7556 «Қарағанды-Астана» электр пойызының қозғалысы ұзартылады (атауы №6811/6812 «Астана-Бурабай курорты»). 

26 және 28 қаңтарда пойыз Астанадан сағат 10:10-да шығып, Бурабайға сағат 13:20-да келеді. Осы күндері кері бағытта пойыз Бурабайдан сағат 14:48-де кетіп, Астанаға сағат 17:54-те келеді. Электр пойызда жолаушыларға 274 орын ұсынылады. Қосымша электр пойыздарға билеттерді сату 25 қаңтар күні сағат 21:00-де басталды, - деді «Жолаушылар тасымалы» АҚ баспасөз қызметі. 

Жолаушылар көбейсе Астана, Қарағанды және Павлодардан 44 қосымша вагон қосылады. Бұл вагондар 2 мыңға дейін жолаушыны тасымалдауға мүмкіндік береді.

Билеттерді bilet.railways.kz сайтынан және билет кассаларында сатып алуға болады.