14 өңірде дауылды ескерту жарияланды

«Қазгидромет» РМК деректері бойынша еліміздің басым бөлігінде дауылды ескерту жарияланды, деп хабарлады Elorda.info.

Жетісу, Түркістан және Жамбыл облыстарында кейде қатты жауын-шашын (жаңбыр, қар), тұман және екпіні 15-20 м/с жел болады деп күтілуде. 

Ұлытау облысының басым бөлігінде екпіні 23-28 м/с жел болуы ықтимал.

Қарағанды облысында көктайғақ күтілуде. Түнде батыстан екпіні 23-28 м/с жел соғады.

Алматы және Шығыс Қазақстан облыстарында жаңбыр жауып, тұман түсуі мүмкін. 

Атырау және Павлодар облыстарында күндіз облыстың батысында, оңтүстігінде екпіні 15-20 м/с жел болады деп күтілуде.

Ақмола және Солтүстік Қазақстан облыстарында көктайғақ, түнде боран болуы ықтимал. 

Батыс Қазақстан және Маңғыстау облыстарында тұман күтіледі. Солтүстік-шығыс, күндіз облыстың батысынан екпіні 15-20 м/с жел тұруы ықтимал.

Абай облысында көктайғақ, боран күтілуде. Тұман түсіп, екпіні 15-20 м/с жел болады деп күтілуде.