Елімізде қай ел азаматтары әкімшілік жауапкершілікке жиі тартылады

«Ұлттық қауіпсіздік комитетінің «Бүркіт» бірыңғай ақпараттық жүйесіндегі мәліметке сәйкес Қазақстанға соңғы 5 жыл ішінде 20 млн 877 мың шетел азаматы келген. Оның 93 пайызы ТМД елдерінің азаматтары. Сондай-ақ, 5 жыл ішінде 400 мыңға жуық (395 755) шетел азаматы әкімшілік жауапкершілікке тартылды. Олардың 95 пайызы ТМД елдерінің азаматтары», - деді Е. Смайлов Мәжілістің заңнама және сот-құқықтық реформа комитетінің отырысында жасаған баяндамасында.

Сондай-ақ депутат аталған уақыт ішінде шетел азаматтарының қатысуымен елімізде 10 974 қылмыстық құқық бұзушылық тіркелгенін алға тартты.

«Оның ішінде 3,8 мыңы мүлік қылмысы, яғни ұрлық пен қарақшылық. 414 - адамға қарсы қылмыс. Нақтырақ айтқанда, 165 кісі өлтіру және 249 адам денсаулығына ауыр зиян келтіру. Одан бөлек, 172 шетел азаматы зорлау фактісі бойынша жазаланды», - дейді ол.

Бұған дейін Мәжіліс депутаты Қазақстанда балалар төлқұжатының қолдану мерзімін қысқартуды ұсынған болатын. Одан бөлек, елімізде ересектер төлқұжатының беттері көбеюі мүмкіндігі туралы айтылды.