Қазақстанда алғашқы 5G-қала пайда болды

Салтанатты іс-шараға Түркістан облысы әкімінің орынбасары Рашид Аюпов қатысты.

Серіктестік аясында ауқымды жобаны ұлттық цифрлық операторы «Kcell» және телекоммуникациялық жабдықтар саласындағы әлемдік көшбасшы – «Ericsson» компаниясы жүзеге асырды.

«Kcell» мен «Ericsson» Қазақстан Республикасында 5G технологияларын дамытуды жеделдету туралы стратегиялық келісім жасасты. Бұл жоба шаһардағы алғашқы 5G аймақты дамытуға мүмкіндік береді.

Пандемия көптеген салада цифрландыру тетіктерін енгізуді жеделдеткенін атап айтқан жөн. Мәселен, соңғы 10 жылда мобильді трафик 300 есеге өсті. Ал 5G байланыс тарихындағы ең жылдам дамып келе жатқан технологияға айналып отыр. 

«Ericsson Mobility Report» компаниясының 2021жылғы есебіне сәйкес, 2027 жылдың соңына қарай 5G желілерінде 4,4 млрд пайдаланушы болады деп күтілуде.