Елордадағы мектептердің біріне Ыбырай Алтынсариннің есімі беріледі

«Биыл елордада ұстаздар күні қарсаңында ұлт ұстазы Ыбырай Алтынсаринге бюст ашылды. Салтанатты шараға зиялы қауым өкілдері қатысты. Қазіргі таңда ономастикалық комиссия отырысында қаладағы №83 мектепке қоғам қайраткерінің атын беруді қарастырып жатырмыз. Әрине, заң аясында жүзеге асатын процесс. Сондықтан уақытты талап етіледі. Оның үстіне шешімді тек әкімдік қана қабылдамайды, жұртшылықпен ақылдасып шешіледі. Ономастика комиссиясы құрамында мемлекеттік орган өкілдерінен бөлек, қоғам қайраткерлері, зиялы қауым, үкіметтік емес ұйым өкілдерімен қоса белсенді азаматтар бар», - деді Асхат Оралов.

Оқу ордасына мектепке ағартушының есімін беру туралы шешім осы айдың соңында немесе қарашаның басында шығады.

Шенеунік болса, комиссия мүщелері мен халық қалаулылары бұл бастаманы бірауыздан қолдайтынына сенім білдірді.