Трамптың сайтында Құран сүресі пайда болды
Хакер өзінің хабарламасын Трамп компаниясының петиция үшін қолданған бетіне қалдырған.
"Сондай Алланы ұмытқан, Алла оларға өздерін ұмыттырған кісілер тәрізді болмаңдар. Олар кәпірлер", — делінген сайтта жарияланған сүреде.
Ол сондай-ақ Түркия Президентінің ұлтшылдық ойлары айтылған бейнероликті де жариялаған. Ақпараттық ресурс үш ай бойы RootAyyildiz-дің бақылауында болды. Ол Трамптың веб-сайтына Америка Құрама Штаттарының "Анти-түрік және исламға қарсы" ұстанымына наразылық білдіріп шабуыл жасаған.
"Хакерлік шабуылды әр түрлі салаларда қолданады. Мысалы, әлеуметтік желілердегі немесе веб-сайттардағы аккаунттарды бұзуға болады. Мен белсенді хакермін. Веб-сайттармен ұзақ уақыт бойы айналысамын. Бұл менің жеке таңдауым. Мені бүкіл әлем естісе екен деймін", — дейді хакер.