Жас қаламгерлерге президенттік әдеби сыйлық тағайындалды

Мәдениет және спорт министрлігі тұңғыш рет қазақстандық жас ақын-жазушыларға президенттік арнаулы әдеби сыйлық жариялады, деп хабарлады Elorda.info ведомствоның facebook-парақшасына сілтеме жасап.

Өтінімдер «Проза», «Поэзия», «Драматургия», «Балалар әдебиеті» номинациялары бойынша 30 маусымға дейін қабылданады.

Ұсынылатын жұмыстар халықаралық, ұлттық байқауларға қатыспаған болуы керек.

Қабылданатын құжаттар:

     1) үміткердің президенттік сыйлық алуға өтінім;

      2) жеке куәлігінің көшірмесі;

      3) Қазақстан Жазушылар одағынан шығармашылық мінездеме;

      4) үміткер туралы мақалалардың, жарияланымдардың көшірмелері (бар болса);

      5) банктік шоттың анықтамасы көшірмесі;

Әр номинацияның жеңімпазына арнайы төсбелгі мен 4 млн теңге қаржылай сыйлық беріледі.

Құжаттар «Министрліктер үйінде» , Мәңгілік ел даңғылы, 8 мекен жайы бойынша 15-кіреберісте қабылданады.