Биыл жастарға жеңілдікпен 29 млрд теңге шағын несие беріледі

Наурыз айында жастарға жеңілдікпен микронесиелер беруді бастау жоспарланып отыр. Осы мақсаттарға 2023 жылға 29 млрд теңге қарастырылған. Бұл қаржы есебінен 5,8 мың жас адамды жеңілдікті несиемен қамту көзделген. Бұл туралы Орталық коммуникациялар қызметінде өткен брифингте Еңбек және халықты әлеуметтік қорғау вице-министрі Олжас Ордабаев мәлімдеді, деп хабарлады Elorda.info.

Жастарға микронесиелер беру жаңа құрал болып табылады. Несиелер 21-35 жас аралығындағы адамдарға беріледі, бұл ретте пайыздық мөлшерлеме – 2,5%. Несиелеу мерзімі – 5 жылға дейін. Ал мал шаруашылығы үшін 7 жылға дейін. Сонымен қатар негізгі қарыз бен сыйақы өтеу бойынша жеңілдікті кезең беріледі. Оның ұзақтығы микрокредит беру мерзімі ұзақтығының 1/3 аспайды. Несие беруді Аграрлық несие корпорациясы жүзеге асырады. Бұл ұйымның несиелеу бойынша тәжірибесі зор және өңірлерде филиалдары бар, - деді О.Ордабаев.

Оқи отырыңыз: 1,3 млн теңге: Қайтарымсыз грант алуға өтінім қабылдау қашан басталады

Бизнеске берілетін гранттарға өтінім қабылдау басталды

Бұдан бөлек, грант беру құралдары жасалды. 2023 жылы 9 мың адам грантпен қамтылады. Гранттар халықтың әлеуметтік осал топтарына беріледі. Олардың мөлшері 400 АЕК немесе 1,3 млн теңгені құрайды. Гранттарды беру лектер бойынша жүзеге асырылады. Осы аптада бірінші лек бойынша құжаттар қабылдау басталды. Мұнда 2,6 мыңнан астам грант беру жоспарлануда. Биыл барлығы кемінде 4 лек өтеді. Құжаттар онлайн режимде қабылданады.