Ресейлік ерлі-зайыпты қос азаматтығы үшін Қазақстаннан шығарылды
Ресейлік ерлі-зайыпты қос азаматтығы үшін Қазақстаннан шығарылды, деп хабарлады Elorda.info Президент БОРТ №1 Телеграм-арнасына сілтеме жасап.
Көліктегі полиция департаментінің мәліметінше, құқық бұзушылар Алматы әуежайында анықталған. Олар - 69 және 71 жастағы Ресей азаматтары. Ерлі-зайыптыға қатысты Әкімшілік құқық бұзушылық туралы кодексінің 496-бабы 2-бөлігі бойынша хаттама толтырылған.
Алматы қаласы әкімшілік құқықбұзушылық жөніндегі мамандандырылған ауданаралық соты қаулысымен құқықбұзушыларға 5 жыл мерзімге ҚР аумағына кіруге тыйым салынып, Қазақстан Республикасынан тыс жерге шығару түрінде жауапқа тартылды, - деді Көліктегі ПД бастығының бірінші орынбасары, полиция полковнигі Мадияр Айтуғанов.
Айта кетейік, биыл көші-қон саласындағы заңнаманы бұзғаны үшін 986 азамат жауапкершілікке тартылған. Оның 38-і қос азаматтық үшін жауапкершілікке тартылған. Сондай-ақ, сот қаулысымен 155 шетелдік елден шығарылған.