«Бақыттымын»: Димаштың клипіне түскен ресейлік актриса ол туралы құпиямен бөлісті (ВИДЕО)

Актриса түсірілім барысында Димаштың талантына ғана емес, адамгершілік қасиетіне куә болып, таңғалғанын жасырмады.

Бейнебаянның тұсаукесері құтты болсын! Жақсы тілек білдіріп жатқандардың барлығына және Димаштың шығармашылығын қолдайтындарға алғыс айтқым келеді. Ол – өте мейірбан, терең ойлы адам.

Ең қызығы, осындай ерекше талантына қарамастан, Димаш өзінің адамгершілік қасиетін сақтап қалған. Бейнебаян түсірілімі барысында бір оқиға болды. Түсірілім тобындағы қыздардың бірі жүгіріп бара жатып, тайып жығылады. Дәл осы сәтте түсірілім жүріп жатқанына да қарамастан, Димаш қызға көмектесуге жүгіре жөнелді. Оның бұл әрекетіне қайран қалдым, таңғалдым. Осындай риясыз, жүрек тебірентер дүние жасағанымыз үшін бақыттымын, рахмет, –  деді актриса Александра Гайдар.