Алматы, Атырау, Ақтөбеде ауаның ластану деңгейі жоғары

6 тамызда Ақтөбе, Алматы және Атырауда ауа ластануының қолайсыз метеорологиялық жағдайлары күтілуде, деп хабарлайды  Elorda.info Қазгидрометке сілтеме жасай отырып.

Ақтөбеде 6 тамыздан 7 тамызға қараған түні метеорологиялық жағдайлар қала атмосферасына зиянды заттардың жиналуына ықпал ететін болады. Жалпы қала бойынша ауаның ластану деңгейі артады. Қазгидрометте ауадағы күкіртті сутектің үш есе артуы туралы ескертілді.

Алматыда күкірт диоксидінің шамалы артуы күтілуде.

"6 және 7 тамызда түнде метеорологиялық жағдайлар қала атмосферасында ластаушы заттардың жиналуына ықпал ететін болады. Жалпы қала бойынша ауаның ластану деңгейі артады деп болжанды", - делінген хабарламада.

Атырауда метеорологиялық жағдайлар түнде қала атмосферасында ластаушы заттардың жиналуына ықпал ететін болады. Бірақ жалпы қала бойынша ауаның ластану деңгейі төмендеуі мүмкін.