Қазақстандық әйелдердің жартысынан көбі өздерінің дені сау деп санайды - зерттеу

«Гедеон Рихтер Қазақстан» компаниясы Kazakhstan Women's Health әлеуметтік-ағартушылық жобасы аясында әйелдер денсаулығын қорғау саласындағы зерттеу жүргізді, деп хабарлады Elorda.info Informburo.kz-ке сілтеме жасап. 

Сауалнамаға Қазақстанның барлық өңірінен 18 бен 45 жас аралығында 814 әйел қатысты. Зерттеу нәтижесінде әйелдердің 54 пайызы дәрігерге қаралмаса да,«деніміз сау» деп есептейтіні белгілі болған. 

Қазақстандық әйелдердің жартысынан көбі (54%) өздерінің дені сау деп санайды. Дәрігерге сирек қаралады немесе мүлдем қаралмайды. 18-25 жастағы әйелдер гинекологқа мүлдем бармайды. 39%-ы денсаулығында кінәраттар бар екенін, 2% қиын аурулармен ауыратынын атап өтті. Сауалнама нәтижесі бойынша, тұрмысқа шықпаған әйелдер өздерін тұрмыстағыларға қарағанда сау деп санайды.