00:00
Астана -10oC
USD:
464.72
EUR:
496.32
RUB:
5.4
Іздеу

Студенттер бірден үш диплом ала алады

22.04.2024 | 16:48
123
Студенттер бірден үш диплом ала алады
Фото: дереккөз

Л.Гумилев атындағы Еуразия ұлттық университеті, М.Ломоносов атындағы Мәскеу мемлекеттік университеті және Шэньчжэньдегі ММУ-ППИ университеті бірлескен білім беру бағдарламаларын әзірлеуге ниетті. Оқуды сәтті аяқтаған студенттерге жоғары білім туралы үш диплом берілетін болады, деп хабарлады Elorda.info.

Бұл 3 университет арасындағы ғылыми және білім саласындағы ынтымақтастық туралы келісімнің арқасында мүмкін болмақ. Құжатқа Мәскеуде өткен «Университеттер және болашақ» халықаралық форумы барысында ЕҰУ ректоры Ерлан Сыдықов, ММУ ректоры Виктор Садовничий, Шэньчжэнь қаласындағы ММУ-ППИ ректоры Ли Хэчжан қол қойды.

Тараптар келісім шеңберінде бірлескен білім беру бағдарламаларын әзірлеуге, ғылыми ынтымақтастықты дамытуға және бірлескен ғылыми жобаларды жүзеге асыруға, оқытудың озық әдістерін дамыту бағытында және жетекші зерттеулер бойынша жарияланымдарды дайындау бойынша өзара тәжірибе алмасуға ниет білдіріп отыр.

Біз қол қойған шарт мамандарды даярлаудың жаңа білім беру жобасын іске асырады және үш диплом беруді қарастырады. Бұл біздің аймағымыз үшін жоғары білікті кадрларды бірлесіп даярлауға деген ортақ ұмтылысымызды тағы да дәлелдей түседі. Біз жоғары оқу орындарымыз үшін ынтымақтастықтың жаңа басымдықтарын қалыптастырумен қатар, жас, мобильді, ашық ұрпақ үшін жаңа мүмкіндіктерді ұсынып отырмыз, - деп атап өтті Ерлан Сыдықов.

Айта кетейік, Шэньчжэньдегі ММУ-ППИ университетін М.Ломоносов атындағы Мәскеу мемлекеттік университеті, Пекин политехникалық институты және Шэньчжэнь муниципальдық халық үкіметі құрды.

Пекин политехникалық институты (ППИ) 1940 жылы құрылған және Қытайдағы жетекші инженерлік-техникалық университеттердің бірі.

Барлық жаңалықтар