00:00
Астана -10oC
USD:
447.4
EUR:
477.55
RUB:
4.76
Іздеу

Елордада шегілмейтін темекі өнімдерін заңсыз сату бойынша рейд жалғасып жатыр

27.03.2024 | 10:43
35
Фото: Василий Крась

Рейдтік іс-шаралар апталығында  Нұра ауданында 90-ға жуық дүкен тексерілген. 

18-26 наурыз аралығында Нұра ауданы әкімдігі аппаратының кәсіпкерлік бөлімінің қызметкерлері  мен аудандық полиция басқармасы бірлесіп рейд жүргізді. Іс-шара барысында Асфендияров, Әнет баба, Сығанақ, Р.Бағланова, Ұлы дала және Исатай батыр көшелерінде орналасқан 87 дүкенінде  насыбайды заңсыз сату бойынша профилактикалық түсіндіру жұмыстары жүргізілді. Ал 6 дүкенге 25 айлық есептік көрсеткіш мөлшерінде айыппұл салынды. Бүгін 20 жуық дүкенді тексеріп, сатушылар арасында түсіндіру жұмыстары жүргізілді. Рейд  31 наурызға дейін жалғасады,- дейді Нұра ауданы әкімдігінің Кәсіпкерлік бөлімінің бас маманы Бектемір Жолжаскажиев. 

Байқоңыр ауданында да вейб және насыбай сататын сауда орындарында жедел-профилактикалық шаралар жүргізілуде.

Ауданның учаскелік полиция инспекторының сөзінше, шегілмейтін темекі өнімдерін заңсыз сатқандар мен 18 жасқа толмағандарға вейб сатқандарға әкімшілік хаттама толтырылып, 25 айлық есептік көрсеткіш көлемінде айыппұл салынады. Бұл – 92 300 теңге. Егер азаматтар айыппұлды жеті күн ішінде төлесе, 50 пайыз жеңілдік бар. 

27-03-6.jpg

Бүгінде Байқоңыр ауданы бойынша 3 тоннадан астам насыбай тәркіленген. Кейін тәркіленген барлық өнім жойылды. 

Сарыарқа ауданында жедел-профилактикалық шаралар барысында 23 кәсіпкерлік нысан тексерілді. Оның ішінде 2 дүкен иесіне айыппұл салынды. Әкімдік өкілінің сөзінше, бүгінде аудан бойынша шамамен 60 келі насыбай тәркіленген. 

27-03-7.jpg

Рейд барысында дүкен иелеріне түсіндіру  жұмыстары мен орын алған заң бұзушылықтар бойынша тексерістер жүргізілді. 

Айта кетейік, Мемлекет басшысы Қасым-Жомарт Тоқаев Ұлттық құрылтайдың үшінші отырысында шегілмейтін темекі өнімдерін тұтыну заңсыз және мәдениеттілікке жатпайтынын айтқан болатын.

Зарина Сәрсенбайқызы

Сабина Кәкімжан

Барлық жаңалықтар