Елордада мас адам дүкенде жанжал шығарды

Сонымен, ақпан айының басында түскі ас кезінде 42 жастағы ер адам мас күйінде Кравцов көшесіндегі дүкендердің біріне кіріп, сатушымен жанжал шығарған. Жанжал кезінде ол дүкеннің мүлкіне зиян келтірді. Соттың шешімімен ол жеті күнге қамауға алынды.

Тағы бірде елорданың 25 жастағы тұрғыны Мәңгілік Ел даңғылындағы қоғамдық орында дәретке отырған. Оған айыппұл салынды.

Кешкі уақытта Алаш тас жолындағы қалалық дәмханалардың бірінің жанында 29 жастағы мас адам қызметтік көліктің алдыңғы айнасын сындырды. Ол 15 күнге қамауға алынады, - делінген хабарламада.

Естеріңізге сала кетейік, Астанада еріктілер, белсенділер, танымал спортшылар, пікір көшбасшылары, қала тұрғындары қолдаған «Тоқта, вандал» акциясы жалғасуда.

Акция аясында қалада күндізгі және түнгі рейдтер өткізіледі, халық арасында қоғамдық тәртіпті сақтау қажеттілігі туралы түсіндіру жұмыстары жүргізіледі.