00:00
Астана -10oC
USD:
464.72
EUR:
496.32
RUB:
5.4
Іздеу

«Бірге» ақпараттық науқанының тұсаукесері өткізілді

20.11.2023 | 06:30
121
Фото: ҚР Мәдениет және ақпарат министрлігі

ҚР Мәдениет және ақпарат министрлігі Конрад Аденауэр атындағы қордың Қазақстандағы өкілдігінің қолдауымен «MediaNet» Халықаралық журналистика орталығының сарапшыларымен бірлесе отырып, биыл 6 қарашада «Бірге» ақпараттық науқанының тұсаукесерін өткізді, деп хабарлады Elorda.info.

Жиын қорытындысы бойынша әзірленген 2 000 плакат (әр өңірге 100 данадан), барлық өңірлер үшін 4 бейнеролик (айына 1 бейнеролик жан-жақты таралып тұру керек) және іс-шара барысында іріктелініп алынған 10 дана сыртқы жарнамалық баннер (электронды және арнайы шығарылған нұсқасы) өңірлерге (БҚО, Петропавл, Өскемен, Түркістан және Қарағанды қалалары) жолданатын болады.   

Осыған орай, таныстырылымда көрсетілген көрнекі материалдарды (бейнеролик, плакат, баннер) облыстық телеарналарда, әлеуметтік желілерде, халыққа қызмет көрсету орталықтарында, емханаларда, қоғамдық көліктерде, әуежайларда, вокзалдарда, оқу орындарында (ЖОО, колледж, мектеп) және т.б. жерлерде кеңінен тарату және бейнероликтерді жеке меншік телеарналарда, спутниктік арналарда әлеуметтік бейнеролик ретінде көрсету қажет. 

Сонымен қатар, жоғарыда көрсетілген 5 өңірден басқа облыстарда сыртқы жарнамалық баннерлерді берілген эскиз бойынша өз қаражаты есебінен әзірлеп, азаматтар көп шоғырланатын жерлерге орналастыру мүмкіндігін қарастыруды сұраймыз.

Аталған ақпараттық науқан қоғамдағы этносаралық келісімді нығайту бойынша жүргізілетін ақпараттық жұмыстардың тиімділігін арттырып, этносаралық коммуникацияларды нығайтуға қомақты үлес қосады деп санаймыз, - делінген ҚР Мәдениет және ақпарат министрлігі ұсынған мәліметте.

КӨРНЕКІ МАТЕРИАЛДАРДЫ ОРНАЛАСТЫРУ АЛГОРИТМІ

«Бірге» ақпараттық науқаны аясында

«Бірге» ақпараттық науқаны Қазақстанның барлық азаматтарының өзара сыйластық, тең құқықтылық құндылықтарын ілгерілетуге, қоғамымыздың бірлігі мен мәдени әртүрлілігін сақтауға бағытталған. Жоба аясында Қазақстанның барлық өңірлерінде осы жобаны ілгерілету бойынша көрнекі материалдар әзірленді.

Қоғамдық науқанды MediaNet Халықаралық журналистика орталығы ҚР Мәдениет және ақпарат министрлігімен бірлесіп, Конрад Аденауэр атындағы қордың Қазақстандағы өкілдігінің қолдауымен ұйымдастырды.

Жоба аясында Қазақстан өңірлерінің қоғамдық орындарында тарату үшін қазақ және орыс тілдерінде көрнекі материалдар әзірленді.

●       2000 плакат; 

●       10 сыртқы жарнамалық баннер; 

●       4 анимациялық бейнеролик.

Науқанның барлық материалдарында #Бірге хэштегі мен «Біз әртүрлі болғанымен, Отанымыз ортақ!» ұраны бейнеленген.

Материалдарда этносаралық қақтығыстар мен «араздық тілдерінің» таралуын болдырмау үшін ақпараттық кеңістіктегі әмбебап және кең аудиторияға түсінікті мінез-құлық ережелері QazNetEtiquette - 10 сілтемесі бар QR код орналастырылған. Кодекс Астанада 2022 жылдың қазан айында таныстырылды. Кодекстің басты мақсаты – қоғамның поляризациясын төмендету мүмкіндігі, әсіресе қоғамның бөлінуіне әкелетін әртүрлі әлеуметтік қақтығыстардың алдын алу.

Материалдарды сілтеме арқылы жүктеуге болады:

https://drive.google.com/drive/folders/1LPe_we6a8zmg-xLE2AvB4ZuMpIEIlso9?usp=sharing

бирге еки.jpg

КӨРНЕКІ МАТЕРИАЛДАРДЫ ОРНАЛАСТЫРУ АЛГОРИТМІ

1. АНИМАЦИЯЛЫҚ БЕЙНЕРОЛИК

Бейнеролик а.ж. 8-10 қараша аралығында 20 өңірге жіберілетін болады.

Науқан аясында MP4 форматында 1920*1080 өлшеміндегі 4 бейнеролик дайындалды:

1. Дастархан; 2. Ата-ана; 3. Жастар; 4. Балалар

МАҢЫЗДЫ! «Дастархан» бейнеролигі кестеге сәйкес барлық өңірлерде 2023 жылдың 15 қарашасынан басталып таратылуы тиіс. 

БЕЙНЕРОЛИКТЕРДІ ТАРАТУ КЕСТЕСІ:

№     Ролик атауы      Хабар тарату кезеңі

1       «Дастархан»     2023 ж. 15-25 қараша аралығы

2       «Жастар» 2023 ж. 27 қараша-7 желтоқсан аралығы

3       «Балалар»         2023 ж. 8 желтоқсан-19 желтоқсан аралығы

4       «Ата-ана» 2023 ж. 19 желтоқсан-29 желтоқсан аралығы

Бұдан әрі, роликтерді таратуды 2024 жылдың соңына дейін осы тәртіпте жалғастыру қажет. Керек болған жағдайда және келісім бойынша мерзімдер өзгертілуі мүмкін.

Роликтер көрсетілген форматқа сай келетін орындарда барынша таратылуы керек.

Оның ішінде: 

●       Халыққа қызмет көрсету орталықтарындағы дисплейлері;

●       LED-экрандар;

●       Қоғамдық көлік дисплейлері;

●       Аэропорт және вокзал дисплейлері;

●       Аурухана дисплейлері;

●       Оқу орындарының дисплейлері; 

●       Жұмыспен қамту орталықтарынының дисплейлері;

●       және басқа да қоғамдық орындарда мекемелердің әкімшіліктерімен келісімі бойынша.

2.      ҚОҒАМДЫҚ КӨЛІКТЕР ҮШІН ПЛАКАТТАР

Плакаттар а.ж. 8-10 қараша аралығында 20 өңірге 100 данадан жіберілетін болады.

Науқан аясында А4 форматында 4 түрлі плакат әзірленді:

1. Дастархан

2. Ата-ана

3. Жастар

4. Балалар

 Бұл плакаттар өңірлерге әрқайсысы 25 данадан – барлығы 100 дана жеткізіледі. Ұсынылған орындарда плакаттарды алғаннан кейін үш күннен кешіктірмей жылдам орналастыру қажет (науқан барлық өңірлерде бір уақытта басталуы үшін). Халық арасында ең танымал қоғамдық көлік бағыттарын таңдау маңызды. Әр қоғамдық көлікте әртүрлі типтегі 2 плакат болуы керек. Мысалы, АТА-АНА – БАЛА немесе ДАСТАРХАН – ЖАСТАР.

Плакаттар өздігінен жабысатын материалдан жасалған. Плакаттарды орнату үшін постердің артқы жағындағы қорғаныш қағазды алып тастау керек. Плакаттарды таза, құрғақ жерге ілу маңызды.

Плакаттар сыртқы жарнама үшін арнайы материалдан жасалған. Қажет болған жағдайда, оларды оңай алуға болады және желім іздерін қалдырмайды. 

Бұл ақпарат плакаттарды ілумен айналысатын автопарк қызметкерлерінің назарына жеткізілуі қажет. 

Осылайша, плакаттар 50 қоғамдық көлікте орналастырылуы керек.

Сондай-ақ, плакаттардың эскиздерін қосымша басып шығару (мүмкіндігінше) және ілу үшін, оның ішінде басқа да қоғамдық орындарда орналастыру үшін өңірлерге жіберіледі.

СЫРТҚЫ ЖАРНАМА БАННЕРЛЕРІ

Дайын баннерлер мына қалаларға жіберіледі: Орал, Өскемен, Түркістан, Петропавл және Қарағанды –2023 жылғы қарашаның соңына дейін, әрқайсысы 2 данадан. 

Науқан аясында баннерлердің 2 түрі әзірленді: 

1.      Дастархан

 2.      Жастар

 Баннерлерді алғаннан кейін 3 күннен кешіктірілмей орналастырылуы керек.

Ұймдастырушылардың өздері жіберген өлшемдерімен орналтырылуы маңызды!

Қалған өңірлер баннерлерді өздігінен басып шығару мүмкіндігін қарастыру керек.

Сондай-ақ, өңірлерге ағымдағы жылғы 10 қарашаға дейін баннерлерді қосымша немесе өздігінен дайындау үшін баннерлердің эскиздері жіберілетін болады. 

Орындалған жұмыстардың фотосуретін және/немесе бейнесін мына пошталарға жіберуді сұраймыз:

m.nuradinov@mki.gov.kz, zh.mazhenov@mki.gov.kz; snezhana.tsoy@medianet.ngo.

 

Барлық жаңалықтар