00:00
Астана -10oC
USD:
464.72
EUR:
496.32
RUB:
5.4
Іздеу

«Менің бауырым»: Студенттер мектептерде еріктілік қызметін бастады

05.02.2024 | 07:59
139
Фото: дереккөз

Волонтерлік жоба аясында Астанада жоғары оқу орындарының 700 ерікті студенті пилоттық режимде «Жобалау қызметін жоспарлау», «Еріктілер жұмысында оқушылардың жас және жеке ерекшеліктерін есепке алу», «Ерікті студенттердің балаларды бақылау дағдыларын дамыту», «Әлеуметтік жобалар мен практикалар», «Коммуникация дағдыларын дамыту және пайдалы әдеттерді қалыптастыру» тақырыптары бойынша оқудан өтті.

Бүгіннен бастап студенттер мектептерде еріктілер қызметін бастады. Волонтерлік жобаларды іске асыру «Өзіңе және өзгеге жақсылық жаса», «Жеткіншектің жеті жарғысы», «Еңбегі адал жас өрен», «Балалар кітапханасы», «Ғаламтор қауіпсіздігі», «Тоғыз айға тоғыз шара», «Оқуға құштар мектеп», «Төрт тоқсанға төрт шара» тақырыптарындағы мектеп іс-шаралары шеңберінде жүргізіледі.

Жобаны іске асыру шеңберінде дөңгелек үстелдер ұйымдастыру, тренингтер өткізу, танысуды, салауатты коммуникацияны және ортақ мүдделерді белгілеуді қоса алғанда, коммуникативтік дағдыларды әзірлеу сияқты әртүрлі және тиімді жұмыс нысандарын белсенді пайдалану жоспарлануда. Сондай-ақ шеберлік сыныптары, флэшмобтар, челлендждер, спорттық турнирлер, қайырымдылық акциялары, ток-шоу және TEDX форматындағы сыныптан тыс іс-шаралар қарастырылған, - делінген министрлік ақпаратында.

Әсіресе, зерттеу жүргізуге, оның ішінде мәселен, туған өлкені зерттеу және оның нәтижесін волонтерлік қызметті қорытындылау сияқты жалпы мектепішілік іс-шаралармен кіріктіруге көңіл бөлінеді. Жұмыстың бұл түрі жобаға қатысушылардың дамуына ықпал ететін интерактивті және жан-жақты білім беру ортасын құруға бағытталған.

Барлық жаңалықтар