«Аллаһу акбар!»: Студенттер Алматы тұрғындарының зәресін алды (ВИДЕО)

Алматыда университеттердің бірінің студенттері жатақханада жарықтың өшіп қалғанын пайдаланып, көшеге шыққан. Бұдан соң петардалар жарып, айғайлап, ысқырып, жергілікті тұрғындардың зәресін алды, деп хабарлады Elorda.info.

Бүгін түнде біздің бірнеше оқырман қаңтар айындағы естеліктерді еске алды. Олардың жарықтары өшіп қалып (Алматыдағы Алмалы ауданында), терезелердің асты түтіндеп, шу шықты – олар «Аллаһу әкбар» деп айқайлап, атып жатқандай болды, – делінген Qumash Telegram арнасында жарияланған видео жазбасында.

Полицейлер тыныштықтың бұзылғаны туралы дабыл Алматы полициясына түн ортасы шамасында түскенін атап өтті.

Электр қуаты үзілген кезде студенттер жатақханасында тұратын жоғары оқу орындарының бірінің студенттері көшеге шығып, петардаларды жарып, айғайлап, ысқырып, сол арқылы жақын маңдағы үйлердің тұрғындарының тыныштығын бұзғандығы анықталды, – деп түсіндірді полиция.

Тыныштықты бұзуға жол берген жатақхана коменданты әкімшілік жауапкершілікке тартылды.

Университет басшылығымен бірге студенттер арасында әңгімелесу жұмыстары жүргізілді.