Биыл докторантураға түсу үшін 2 мыңға жуық грант бөлінді

Биыл бакалавриатқа 78 219 грант, ал докторантураға түсу үшін 1 919 грант бөлінді. Бұл туралы Жоғары және жоғары оқу орнынан кейінгі білім комитеті төрағасының орынбасары Жанна Есинбаева айтты, деп хабарлады Elorda.info.

«2024-2025 оқу жылына арналған мемлекеттік білім беру тапсырысы бекітілді. Түлектер қандай бағыттар, білім беру бағдарламаларының қандай топтары бойынша қанша грант бөлінгенін көре алады. Биыл Ғылым және жоғары білім министрлігінің желісі бойынша бакалавриат деңгейіне 78 219 грант, магистратура деңгейіне – 13 119 және докторантура деңгейіне – 1 919 грант бөлдік», - деді Жанна Есинбаева.

Оның айтуынша, осы жылы гранттардың ең көп саны инженерлік-техникалық бағыттарға беріледі. Бұл Мемлекет басшысының мемлекеттік тапсырыстың 60%-дан астамын техникалық бағыттар бойынша мамандар даярлауға беру тапсырмасына сәйкес жасалды. 

«Инженерлік ғылымдар, құрылыс ғылымдары, ақпараттық-коммуникациялық технологиялар, ақпараттық қауіпсіздік, жаратылыстану ғылымдары, математика, статистика – мұның барлығы мемлекеттік тапсырыстың жалпы көлемінің шамамен 60% құрайды», - деп нақтылады спикер. 

Педагогикалық бағыттарға 13 мың грант бөлінді