Иран билігі хиджап тақпағандарды аяусыз жазаламақ

Иран билігі әйелдерді хиджабсыз халық алдына шыққаны үшін аяусыз қудалайтын болды, деп хабарлады Elorda.info Reuters агенттігіне сілтеме жасап.

Жердемді алып тастау ұлттық құндылықтарға дұшпандықпен пара-пар, - дейді Иранның сот билігінің басшысы Голамхоссейн Мохсени Эжеи.

Сондай-ақ ол осындай жат қылықтар жасағандар жазаланып, аяусыз қудаланатынын мәлімдеді.

Еске салайық, Иранда Махса Амини қайтыс болғаннан кейін 2022 жылдың 16 қыркүйегінде басталған үкіметке қарсы шерулер алты айдан астам уақыт бойы өтті. Иран вице-полициясы 22 жастағы қызды хиджабты дұрыс кимеген деген айыппен ұстады.

Ирандық жас әйелдің туыстарына оны «қайта тәрбиелеу шараларынан» кейін полиция бөлімшесінен босатамыз деп уәде еткен. Осындай сеанстан кейін үш сағаттан соң қыз ауруханада қайтыс болды.