Шу стансасында есірткі тасымалдаушы ұсталды (ВИДЕО)

Жеке тексеру барысында ұсталған азаматтың рюкзагынан 5 кг гашиш табылды, ол оны өткен жылдың күзінде дайындаған. Қолданыстағы заңнамаға сәйкес тәркіленген есірткінің салмағы аса ірі мөлшерге жатады. Енді ұсталған азамат 7 жылға дейін бас бостандығынан айырылуы, ал егер тауарды сату ниеті дәлелденсе, онда 15 жылға дейін бас бостандығынан айырылуы мүмкін.

Осылайша, көлік полициясының қызметкерлері гашиштің 10 мыңнан астам бір реттік дозасының көлеңкелі айналымға түсуіне жол бермеді.

Жыл басынан бері ішкі істер органдары 378 есірткі қылмысын, оның ішінде 248 өткізу фактісі және 85 есірткіні аса ірі мөлшерде сақтау фактісін анықтады. Заңсыз айналымнан 422 кг-нан астам есірткі, оның ішінде 196 кг гашиш, 213 кг марихуана, 800 гр героин және 6 кг-нан астам синтетика тәркіленді.